នគរបាលខណ្ឌឫស្សីកែវ បញ្ជូនជនសង្ស័យ២នាក់ ទៅតុលាការ ពីបទករណីហិង្សាដោយចេតនាមានស្ថានទំងន់ទោស ប្រើអាវុធខ្លីគម្រាមបាញ់សម្លាប់ម្ចាស់រថយន្តស្ទូច
15-August-2018 | ដោយ ពលមនសិការ
ភ្នំពេញ៖ នៅថ្ងៃទី១៥ ខែសីហា ឆ្នាំ២០១៨ វេលាម៉ោង២និង១៥នាទី អាធ្រាត្រ មានរថយន្តលុចស៊ីស៥៧០ ពណ៌ស ពាក់ស្លាកលេខ រដ្ឋ០៧-២ ៨៩៨៩ បានបើកបុកបង្កោលភ្លើង នៅចំណុចមុខក្លោងទ្វារវិទ្យាល័យឫស្សីកែវ ផ្លូវជាតិលេ៥ សង្កាត់ឫស្សីកែវ។
ក្រោយពីទទួលបានព័ត៌មានកម្លាំងអធិការដ្ឋានបានរាយការណ៍ទៅការិយាល័យចរាចរណ៍ ក្រោយមករថយន្តបង្ករនោះត្រូវបានអង្គភាពការរិយាល័យចរាចរយករថយន្តស្ទូចមកដឹកយកទៅអង្គភាព លុះពេលដឹកមកដល់ចំណុចផ្លូវប្រឡាយវត្តទួលអស់លោក ដោយសារផ្លូវនោះកំពុងធ្វើស្ពាន មិនអាចទៅមុខរួច រថយន្តស្ទូចក៏បានបកត្រឡប់ក្រោយ មកដល់ចំណុចមុខវត្តទួលអស់លោក ជនបង្ករដែលជាម្ចាស់រថយន្ត៥៧០ ព្រមទាំងបក្សពួកម្នាក់ទៀតបានជិះរថយន្តម៉ាក កូរ៉ូឡា ពាក់ស្លាកលេខ 2A-1245 បានស្ទាក់មុខឡានស្ទូចបញ្ជាឲ្យម្ចាស់ឡានស្ទូចឈប់ រួចហើយជនបង្ករបានឡើងឡានស្ទូច អង្គុយអែបតៃកុងឡាន នឹងបានដកកាំភ្លើងភ្ជុងតៃកុងឡានគម្រាម ឲ្យដឹករថយន្តរបស់ខ្លួនចូលផ្ទះខ្លួនឯងវិញ ដែលស្ថិតនៅចំនុច ផ្ទះលេខ៤ ផ្លូវលំ ក្រុម១ ភូមិខ១ សង្កាត់ច្រាំងចំរេះទី២ ករណីមិនធ្វើតាមខ្លួននឹងបាញ់សម្លាប់ចោល ។
ក្រោយពីហេតុការណ៍កើតឡើង កម្លាំងជំនាញខណ្ឌ ប៉ុស្តិ៍ សហការជាមួយការិយាល័យចរាចរណ៍ ចុះដល់លំនៅដ្ឋានរបស់ជនបង្ករធ្វើការឃាត់ខ្លួន នឹងដកហូតរថយន្ត ហើយបន្តរុករកវត្ថុតាង(កាំភ្លើងខ្ចី) តែដោយសមត្ថកិច្ច រកនៅក្នុងរថយន្តមិនឃើញក៏បានរាយការណ៍ទៅព្រះរាជអាជ្ញារងលោក សៀង សុខ ស្នើសុំបន្តឆែកឆេរក្នុងលំនៅដ្ឋានរបស់ជនបង្ករ ដោយមានការចូលរួមពីក្រឡាបញ្ជី ប្រធានភូមិ ចៅសង្កាក់ លុះមកដល់វេលាម៉ោង១០ព្រឹក សមត្ថកិច្ចជំនាញ បានរកឃើញអាវុធរបស់ជនបង្កយកទៅលាក់ទុក្ខនៅក្នុងឡាប៊ូបន្ទប់ទឹកជាន់ទី២ ម៉ាក បេរ៉ាតាលេខBER027273 ពណ៌ខ្មៅ មាន១១គ្រាប់។
ជាលទ្ធផលនៃកិច្ចប្រតិបត្តិការនេះ សមត្ថកិច្ចបានធ្វើការឃាត់ខ្លួនជនសង្ស័យចំនួន២នាក់ៈ ទី១-អ្នកបង្កម្ចាស់រថយន្ត៥៧០ ឈ្មោះ គ្រី ដារិន ភេទប្រុស អាយុ៣៩ឆ្នាំ ស្នាក់នៅផ្ទះលេខ៥៧ ផ្លូវ៤៥៤ ក្រុម១០សង្កាត់ទួលទំពូងទី១ មុខរបរលក់ជ្រូក ទី២-អ្នបើរថយន្តកូរ៉ូឡាឈ្មោះ ស្រន់ ពិសិដ្ឋ ភេទប្រុស អាយុ៣០ឆ្នាំ ស្នាក់នៅក្នុងស៊ីកាប់ជ្រូកគីឡូម៉ែត្រលេខ៦។
ដកហូតវត្ថុតាងៈ រថយន្ត៥៧០មួយគ្រឿង ស្លាកលេខរដ្ឋ ០៧-២ ៨៩៨៩ ពណ៌ស, រយន្តកូរ៉ូឡាមួយគ្រឿងពណ៌ស្លែពាក់ស្លាកលេខ 2A-1246, កាំភ្លើងខ្លីមួយដើមម៉ាក បេយ៉ាតាលេខBER027273 ពណ៌ខ្មៅ មាន១១គ្រាប់។ បច្ចុប្បន្នកម្លាំងអធិកាដ្ឋាននគរបាលខណ្ឌសែនសុខ កសាងសំណុំរឿងបញ្ជូនតាមនិតិវិធីដើម្បីបញ្ជូនទៅសាលាដំបូងរាជធានីភ្នំពេញ ៕
ចំនួនអ្នកទស្សនា
- ថ្ងៃនេះ5951
- ម្សិលមិញ16391
- សប្តាហ៍នេះ52181
- ខែនេះ167331
- ឆ្នាំនេះ167331
- សរុប20609787